የቀድሞዉ የት/ቤቱ ተማሪዎች ሃሳብ አመንጪነትና አነሳሽነት ለት/ቤቱ እድሳትና ማስፋፊያ የመሠረት ድንጋይ በሲዳማ ክልል ርዕሰ መስተዳድር አቶ ደስታ ሌዳሞ ተቀምጧል ።

ገቢ የማሰባሰቡ መረሃ ግብሩ ከሁሉም የአገሪቱ አከባቢ በተለያየ የሥራ ዘርፍ ተሠማርተው እና በመንግሥት የሥራ ኃላፊነት ላይ የሚገኙ የቀድሞ ተማሪዎች፣ የክልሉ ከፍተኛ የሥራ ኃላፊዎች ፣ የንግዱ ማሕበረሰብ ፣ የክልሉ የተለያዩ አከባቢ ነዋሪዎች እንዲሁም መምህራንና ተማሪዎች በተገኙበት ነው የተከናወነው ።

በመርሃ ግብሩ ላይ የተገኙት የሲዳማ ክልል ርዕሰ መስተደድር አቶ ደስታ ሌዳሞ ፤ ለይርጋዓለም 2ኛ ደረጃ ት/ቤት አዲስ ለሚገነቡት ሁለት ሕንፃዎች የክልሉ መንግሥት 200 ሚሊዮን ብር ድጋፍ እንደሚያደርግ ተናግረዋል ።

የክልሉ ምክትል ርዕሰ መስተዳድርና የትምህርት ቢሮ ኃላፊ አቶ በየነ ባራሳ በበኩላቸውጨ ፤ ትምህርት ትዉልድ የሚቀረጽበት ማዕከል በመሆኑ ለትምህርት ልማት ሥራ መተባበር የሁሉም ዜጋ ኃላፊነት መሆኑን አስገንዝበዋል ።